Алмалар арқылы бағалау

5. 1. 3. 1. Көркем шығармадағы кейіпкерлер портреті мен іс-әрекеті арқылы образын ашу;

5. 3. 2. 1 кейіпкерлерді шынайы өмірмен салыстырып бағалау;

Барлық оқушылар: «Менің атым Қожа» хикаятындағы кейіпкерлер бейнесін анықтау;

Көпшілігі: шығармадағы кейіпкерлер портреті мен іс-әрекетін анықтау;

Кейбір оқушылар: Көркем шығармадағы кейіпкерлер портреті мен іс-әрекеті арқылы образын ашу, іс-әрекетін бағалау. .

• Көркем шығармадағы кейіпкерлер портреті мен іс-әрекеті арқылы образын ашу.
• кейіпкерлерді шынайы өмірмен салыстырып бағалайды.

Оқушылар орындай алады:

Портрет, ат қою, кейіпкер, образ ұғымдарын түсінеді, қолданады.

Пәнге қатысты сөздік қор мен терминдер: кейіпкер, образ, портрет, мінез, әдеби шығарма

Негізгі сөздер мен тіркестер:

Қожаберген, түбінде адам болатын бала, Қара көже, енді қайталамаймын, педкеңес, лагерьге жолдама, эпизод, кинокадрлар.

Педагогтің әрекеті

І. Ұйымдастыру кезеңі. Жағымды психологиялық ахуал қалыптастыру:

-Мен саған тілеймін: -Бақыт -Денсаулық -Барлығын да -Барлық жерде -Сәлеметсің бе?

Қызығушылықты ояту

«Теріп алу» стратегиясы . Алғыр, пысық, өтірікші, ақылды, сотқар, тентек, мейірімді, қу, зымиян, шыдамсыз, тиянақсыз, әділ етті, ақын, әзілқой, арамза, тапқыр, қателіктерін түсіне біледі, жағымсыз.

Оқушылар тақтаға жазылған тірек сөздерді теріп алып, топтастыру арқылы қай кейіпкерге тән екенін айтады.

Сабақтың тақырыбы мен мақсаты айқындалады.

Мағынаны тану.

Мынау қай кейіпкер ? (Әр оқушы кезекпен жауап береді) 1) . Біреуді біреуге атыстырып, от тастап жүретін қу, сабақ үстінде сыбырлап - сыпсыңдағыш кім?

2) . -Мен оқулық емес, қант аламын. Сіздің не шаруаңыз бар, қоя беріңіз

3) . -Біз екеуміз таныс шығармыз деймін?

4) . -Қадыров түбінде адам болатын бала, -деді

5) . -Мен үшін сенің адам болғаныңнан артық ешқандай бақыт жоқ, -деді.

Дескриптор:

• Берілген үзінділермен танысады;
• Қай кейіпкерге тән екенін анықтайды;
• Кейіпкер іс-әрекетіне байланысты өз ойын білдіреді.

ҚБ

Тапсырма. “Сөз тапқанға қолқа жоқ” әдісі.

Мәтін тақырыбына сай, мақал-мәтелдер айту

1. Мамам жауап қатпады. Мен жақындай түсіп, оның уысында көзіне басып алған қол орамалы бар екенін көрдім. Жүрегімді біреу ұстарамен тіліп жібергендей болды. *Алып анадан туады, Ат биеден туады. *Ана алдында құрмет, Ата алдында қызмет. *Анаңа ауыр сөз айтпа, Атыңа ауыр жүк артпа *Ана сүтін ақтамағанды ешкім мақтамайды

2. -Қайтейін жыламай. Құдай бағын ашпаған мен сорға жылаудан өзге не бұйырған. Қу жалғыз, сенің-ақ сенің күйігіңді тартым өлетін болдым ғой. *Балаға байқап сөйлесең, ақылыңа көнер, Байқамай шет сөйлесең, көп ішінде өлер. *Балаға өз тіліңмен сөйлеме, Өз тілімен сөйле. *Бала тәрбиесі бесіктен. *Ананың сүті - бал, баланың тілі - бал *Ата - бәйтерек, бала - жапырақ *Жақсы бала - сүйік, жаман бала - күйік.

3. -Қойшы маматай . . . Ең соңғы рет кешірші. Ант етемін. • Уәдені бұзған - Ұяны бұзғанмен тең • Жақсылыққа жерік кісі - Уәдесіне берік кісі • Уәде бұзған кісіден Өтіп кеткен жел артық • Жерден жердің несі кем? - Егін шықса, гүл өссе. Ерден ердің несі кем Уәдесін үде етсе

4. Сыныпқа Майқанова кірді де, сынып журналы мен сумкасын менің алдыма үстел үстіне қалдырып, өзі тысқа шығып кетті. *Ұстазы жақсының, ұстамы жақсы. *Атпаз көрген - ат таныр, Ұстаз көрген - хат таныр *Ұстаз алдында тілің тый, Ұста алдында қолың тый. *Шәкіртсіз ұстаз - тұл.

Дескриптор:

• Үзінділермен танысып, түсінеді;
• Үзіндіге сай мақал-мәтел айтады.

ҚБ

Ой қорыту.

«Мен кіммін?» әдісі

Мен Қожа болсам . . .

Мен Майқанова болсам . . .

Мен Жантас болсам . . .