Табиғат - әсемдік әлемі: 3-сынып үшін ашық тәрбие сағаты

Сабақтың тақырыбы: Табиғат- әсемдік әлемі

Сабақтың мақсаты: «Табиғат», «сұлулық», «адамгершілік» құндылықтары туралы түсініктерін кеңейту.

Көрнекі құралдар: Табиғаттың суреттері, плакат, қоржын, қима суреттер, доп, мәтіннің мазмұнына сай суреттер, үнтаспа, бейне ролик, стикерлер.

Қайырлы күн құрметті қонақтар және оқушылар!

Шөліркемей гүл тұрсын! (сол қолын жайып көтереді)

Жерім жайнап құлпырсын! (оң қолын жайып көтереді)

Нұрын сыйлап біздерге (екі қолын жоғары көтереді)

Көкте мәңгі күн тұрсын! (екі қолын төбесіне көтереді)

Сабағымыз ерекше болмақ, яғни біз әр түрлі мекендерді аралаймыз.

Олай болса бірінші мекеніміз «Топтасу» мекені.

Балалар, әдеттегідей сабағымызды бастамас бұрын топқа бөлініп алайық. Топқа бөліну үшін мен 2 түрлі кәмпиттер әкелдім. Қазір әр бала өзіне ұнаған кәмпитін алып қай үстелдің үстінде осы екі кәмпиттің түрі жатқан үстелге барып отырады.

Өте тамаша! Енді осы отырған екі топ өздеріне ат қояды. «Жануарлар» және «Құстар» тобы атанды.

Келесі мекеніміз «Бейне жазба» мекені. Бұл жерде сендерге бейне ролик көрсетіледі. Сендер мұқият қарап отырып келесі сұрақтарға жауап бересіңдер (бейне ролик тамашалау) .

Бейне жазба не жайлы?
Көріп отырғанда қандай сезімде болдыңдар?

Мұғалім сөзі:

Дұрыс, айтасыңдар бейне жазба табиғат жайлы болды. Ендеше біздің бүгінгі тәрбие сағатымыздың тақырыбы «Табиғат - әсемдік әлемі»

Табиғаттан нәр алған ғой жанымыз,

Ұсынайық жүрек нұрын бәріміз - деп сабағымызды бастайық.

Табиғат - бізді қоршаған дүние: аспан мен жер, тау мен су, жан-жануарлар мен өсімдіктер әлемі. Адам қашан да Табиғат әсемдігіне, сұлулығына

тамсанған, таңданған, қуанып, шабыт алған және қамқорлық жасаған.

Ислам

Көктем келді, көктем келді сағынта,

Бүршік атты алма ағаштар бағында.

Біздің үйге ұя салды, алақай!

Былтыр кеткен қарлығаштар тағы да.

Арсен

Дала гүлге оранады,

Түрлі түске боянады.

Нұрлы көктем келген кезде

Табиғат та оянады.

Рауан

Көктем келді, көктем келді далама,

Қуанып жүр ата-ана да, бала да.

Қарымыз еріп, жылғалардан су ағып,

Үйрек, қаздар жайылып жүр жағада.

Арнур

Табиғат-ол анамыз

Табиғатқа баламыз.

Құшағында ойнаймыз,

Шаттық әнге саламыз.

Әлішер

Жазда аралап тауын да,

Барамыз біз бауына.

Өзеніне шомылып,

Жүгіреміз жауында

Ендігі мекеніміз «Суреттер мекені». Көрсетілген суреттер жайлы не айтуға болады?

Келесі мекен «Табиғатпен біргеміз!» (коллаж жасау) шығармашылық тапсырма. Табиғат көріністерінен, сурет қиындыларынан құрастыру. Әр топ көшбасшысы шығып таныстырып өтеді. (оқушылардың жұмыстары смайликпен марапатталады, ал оқушылар шапалақпен ынталандырылады)

Табиғат жайлы тақпақтар айту Ұлпан, Жалғас, Диана.

«Көрініс мекенінде» біз «Күн мен гүлдер» деген көріністі тамашалайық.

Ендігі кезекте ойын ойнап алайық «Жер, су, ауа, от».

Ойынның барысы: Балалар дөңгелене тұрады.

Кез келген ойыншыға «Жер!», «Су!», «Ауа!», «От!» деген сөздердің біреуін айтып қолымдағы допты лақтырамын. Допты тосып алған бала «Жер!» десем кез келген жер беіндегі тіршілік иелерін, жан-жануарларды, «Ауа!» десем құстардың атауын, «Су!» десем балықтардың атауын(жайын, сазан, шортан, бекіре, табан, алабұға, жылын балық…т. б) айтып допты қайта лақтыруы тиіс. Ал енді «От!» сөзді естігенде дотпы ұстап алып, үндемей, арқасымен бұрылуы тиіс.

Проблемалық сұрақтар қойылады

Табиғат аясындағы демалысқа бардыңдар ма?
Қай жерлерге бардыңдар?
Жер бетіндегі табиғат неше топқа бөлінеді?

Дұрыс айтасыңдар! Жер бетіндегі өлі және тірі табиғат бір-бірімен тығыз байланысты, өзара үйлесімді тіршілік етеді. Осы тіршіліктегі тепе-теңдік бұзылса, табиғат апатқа ұшырайды. Осыған дәлел «Арал» теңізі. Олай болса «Аралдан ұшқан аққулар» деген әнді тыңдайық. Ортаға Нұратты, Аружанды, Ажарды, Дамирді шақырайық.

Ендігі кезекте «Ментальді картамен» жұмыс жүргізейік. «Жануарлар» тобы «Тірі табиғат», ал «Құстар» тобына «Өлі табиғат» жайлы жазу тапсырылады. (смайлик беру және қошемет көрсету)

Ұқсас жұмыстар

3-сыныпқа арналған ашық тәрбие сағаты: Ғарыш әлемі және Қазақстан ғарышкерлері

Табиғат - алтын бесік: қоршаған ортаны қорғауға арналған ашық тәрбие сағаты

4 а сыныпқа арналған ашық тәрбие сағаты: Адам және табиғат

Мамандықтар әлемі: 6-сынып тәрбие сағаты

6-сыныпқа арналған Абайдың табиғат лирикасы тақырыбындағы ашық тәрбие сағаты

3-сыныпқа арналған ашық тәрбие сағаты: Табиғатты аялайық - экологиялық тәрбие

Мен ғарышкер боламын: ғарыш әлемі және қазақ ғарышкерлері туралы ашық тәрбие сағаты

3 Б сыныптың ашық тәрбие сағаты - Сыйласу сәлемнен басталады

3-сыныпқа арналған ашық тәрбие сағаты: Мейірімділік - асыл қасиет

Маңғыстаудың зергерлік өнері: 3-сыныпқа арналған ашық тәрбие сағаты

Пәндер