Күрделі сөздер: біріккен және қос сөз түрлерін пысықтауға арналған сабақ жоспары

Ақтөбе облысы, Шалқар ауданы, Бегімбет ауылы

Сабақтың тақырыбы: Күрделі сөздер

Сабақтың мақсаты: 1. Оқушылардың біріккен сөз, қос сөз туралы білетіндерін пысықтап, білімдерін кеңейту.

2. тапсырмаларды тиянақты орындап, өз бетінше ойланып, шығармашылықпен жұмыс істеу дағдыларын дамыту.

3. ұқыптылыққа, ынтымақшылыққа тәрбиелеу.

Сабақтың көрнекілігі : ребус, сызба, таблица, Венн диаг. интер. тақта

Сабақтың түрі: сайыс сабақ

Сабақтың әдісі : сұрақ- жауап, өздік жұмыс, шығармашылық жұмыс

Сабақтың барысы: I. Ұйымдастыру

II Сабаққа даярлық

Мұғ . -Балалар, бүгінгі сабақты 2 топқа бөлініп, жарыс түрінде өткенді қайталау мақсатында өткіземіз. Ол үшін топтың атын белгілеп алайық.

1-топқа тапсырма :

Әлемнің төрт бұрышын араладым,

Палуанның неше түрін жараладым.

Қажымұқанмын қазақта күшім асқан

Туған жердей ыстық жер таба алмадым.

(өлең шумағы интерактивті тақтада)

-Өлеңде қандай күрделі сөз бар? Топ солай аталады. (Біріккен сөз)

2- топқа тапсырма: Ребус шешу

( ребусты шешкенде Айгүл сөзі шығады)

-Ребустың шешуі қай күрделі сөзге жатады?Топ солай аталады. (Қос сөз)

III. Жаңа сабақ

А. Ой толғау. Топтың атын қорғау. Ойын :«Мен саған, сен маған»

1-топ:-Қос сөз дегеніміз не? Оның неше түрі бар? Мысал келтіріп айтыңдар.

2-топ: - Біріккен сөз дегеніміз не? Ол қалай жасалады? Мысал келтіріңдер.

Ә. Ойын «Әрі қарай жалғастыр »

1-топ: «Әсемпаз болма әрнеге,

Өнерпаз болсаң арқалан . . . »

-Бұл кімнің өлеңі?Түсіндір. Өлеңде қандай күрделі сөз бар?

2- топ «Ат, айғырлар, биелер,

Шалғыннан жүні қылтылдап. .

Арасында құлын - тай,

Айнала шауып бұлтылдап.

Жоғары -төмен үйрек-қаз

Ұшып тұрса сымпылдап. »

-Бұл өлең қалай аталады? Қандай күрделі сөз бар? Түсіндір.

(екі топ өздері тапқан күрделі сөздерді Венн диаграммасына түсіреді. Соңынан таблица бойынша анықтама айтады. )

Б. Таблица бойынша жұмыс.

В. Оқулықпен жұмыс:

586-жаттығу (екі топ күрделі сөздердің өздеріне тиесілісін теріп жазады, қалай жасалғанын түсіндіреді. )

Г. Сергіту сәті: «Кім тапқыр?»

1-топ . біріккен сөзден тұратын 10кісі атын табу.

2-топ. қос сөздің әр түрінен тұратын 10 мысал табу.

Ғ. Шығармашылық жұмыс:

Өздері ойлаған күрделі сөздерді пайдаланып шағын мәтін құрап жазу.

Әр топтың жұмысы оқытылып, тексеріледі.

V. Сабақты бекіту.

-Сонымен, балалар, күрделі сөздің 3 түрі бар еді, (сызбасын көрсетіп) біз бүгін соның 2түрін қайталап, білетіндерімізді еске түсірдік. Анықтамасын қорыттық. Ал келесіде қысқарған сөз туралы қайталаймыз.

VI. Үйге тапсырма : 587-жаттығу. Күрделі сөздер туралы пысықтау

VII. Оқушылар білімі бағалау парағы бойынша бағаланады.

Ұқсас жұмыстар

4-сынып қазақ тілі: Тұрақты сөз тіркестері және күрделі сөздердің түрлері (біріккен, қос, қысқарған)

6-сынып: Күрделі сөздер мен қосарлама қос сөздер бойынша сабақ жоспары

Қос сөздер мен қайталама қос сөздер: қазақ тілінен сабақ жоспары

4-сыныпқа арналған сабақ жоспары: Біріккен сөздер

Сөйлемдегі қос сөздер: бастауыш сыныпқа арналған сабақ жоспары

Біріккен сөздер: сабақ жоспары және әдістемелік тапсырмалар

Біріккен сөздер: ұғымы, түрлері және сабақ жоспары

6-сынып қазақ тілі сабақ жоспары: Қос сөздер және қайталама қос сөздер (Қазақтың ұлттық ойындары)

6-сынып: Қос сөздер және қайталама қос сөздер бойынша сабақ жоспары

Біріккен сөздер: анықтамасы, құрылымы және сабақ жоспары

Пәндер