Салауаттылық-өмір негізі жайлы ақпарат ( 9 сынып )

Тақырыбы: Салауаттылық - менің қалауым !
Мақсаты:
- Оқушылардың денсаулық ұғымының
құндылығы туралы түсініктерін кеңейту.
Міндеттері:
- салауатты өмір салтын сақтаудың адам
өміріндегі манызын түсіндіру;
- денсаулығын күту, іскерліктерін
дамыту;
- денсаулықты күтуге, қадірлеуге
- тәрбиелеу.

Сабақ барысы:

1. Ұйымдастыру бөлімі . Тыныштық сәті

- Бүгінгі сабағымыз көңілді өту үшін көңіл - күйімізді көтеретін жаттығудан бастайық. (Жағымды баяу музыканың ырғағыменДенемізді бос ұстап ыңғайлы отырамыз. Көзді жұмамыз. Денемізді бос ұстап, өз - өзімізді жағымды және көңілді сезініп, өмірдегі барлық жағымды сәттерді еске алайық.
Өзімізді әлі күлтелерін ашпаған гүл деп сезінейік. Сол гүл күлтелері баяу ашылып, күнге қарай ұмтылуда. Денемізді бос ұстап жоғары көтерілеміз, көзімізді ашып қолымызды сілкілейміз.
- Балалар, ыңғайлы отырып, бір - бірімізге қарап, әдемі жымиып, күлейік. Әрқашан осылай көңіл - күйіміз көтеріңкі болсын.
- Балалар, енді кезекпен кезек барлық адамзатқа жақсы денсаулыққа арналған тілектер айтайықшы:
Мысалы: Денсаулық - адамның басты байлығы, сондықтан денсаулықты сақтай білейік. Күлкі - адам өмірін ұзартады, ешқашан жүзімізден күлкі кетпесін. Көңіл - күйіміз әрқашан көтеріңкі болсын.
Мұғалім:

Денсаулық әркімнің өз қолында. Денсаулықты адам баласына табиғат сыйлаған басты байлық. Денсаулықты жоғалту оңай, қалпына келтіру қиын. Сондықтан адамның денсаулығының мықты болуы адамның өзіне байланысты. Жағымды, жағымсыз заттарды дұрыс таңдау арқылы салауатты өмір сүруге болады.

«Салауаттылық деген не?»
Салауаттылық - сергекте,
Таза жүру -өмірде.
Адамзаттық келбетке,
Дақ түсірмеу тегінде.
Бала болма тырысқақ,
Қылығыңды ел сынар.

Таза ауамен тыныстап,
Бой қыздырып, тер шығар.
Салауатты салтты, ұғып,
Танда жолдың дұрысын.
Спортпенен жаттығып,
Жаз денеңнің құрысын.
А. Естенов

Әңгімелесу.

-«Таза жүру өмірде» дегенді қалай түсінесіңдер?
-Адамның денсаулығын сақтауға кім жауапты? Неге?
-Салауатты өмір салты дегенді қалай түсінесіңдер?
-Салауатты өмір сүруге не кедергі болады?
-Өз бойыңдағы жағымсыз әдеттерден арылу үшін не
істеу керек деп ойлайсыңдар?

Жаңа ақпарат .

- Дені сау, жан-жақты дамыған жаны сұлу адам мәнді
де салауатты ғұмыр кешеді. Адам тән сұлулығын
жан сұлулығымен үйлестіргенде ғана өмірлік
мақсатына жете алады. Адам өз денсаулығын
сақтап, ішкі жан дүниесін дамыту ұшін өмір бойы
белсенділік танытуы қажет.

1-нұсқа

Денсаулыққа кері әсер ететін факторлар.

1. Қоршаған орта ластығы. (күн, ауа, су, топырақ, т. б, )

2. Дұрыс тамақтанбау.

3. Денсаулық сақтау шараларының төменгі сатыда болуы

4. Зиянды заттарды қабылдау.

5. Тазалықты сақтамау.

6. Отбасындағы кері жағдайлар.

7. Адамда стресс жағдайларының жиі болуы

2-нұсқа

Денсаулыққа дұрыс әсер ететін факторл.

1. Дұрыс тамақтану.

2. Қоршаған орта тазалығы. (күн, ауа, су, топырақ, т. б. )

3. Дене шынықтыру.

4. Зиянды заттарды қабылдамау.

5. Жеке бастың тазалығын сақтау.

6. Қоршаған ортаға, қоғамға, адамдарға деген дұрыс көзқараспен қарау.

7. Эмоциялардың оң болуы. Үйдегі дене еңбегінің дұрыстығы

Ойын - жаттығу: « Пайдалы - зиянды »

Қазір бірнеше жағдаят айтамын, денсаулыққа пайдалы болса, шапалақтаймыз, зиянды болса, аяғымызды жерге ұрып, бойға алмайтындығымызды көрсетеміз.

- Бала жаттығулар жасаса;

- Бала ағашқа өрмелесе;

- Бала ауыр заттарды көтерсе;

- Бала басқа баланы итеріп жіберсе;

- Бала сіріңкемен ойнаса;

- Бала терезені сындыратын болса;

- Бала қолын жуса;

- Бала күнге қыздырынса;

- Бала балмұздақты көп жесе;

- Бала балаларға қарай жөтелсе;

- Бала тамақ үстінде күлсе;

- Бала табиғи суға шомылса;

- Рахмет. Сонымен денсаулықтың тағы бір құпиясы- зиянды әрекеттерді

жасамау, пайдалы әрекеттер жасау.

Мәтінмен жұмыс:
Бердібек Соқпақбаев
«Менің атым Қожа»

- Қожа осы оқиғадан қандай сабақ алды?
- Қожаның Сұлтанның сөзіне ермеуі мүмкін бе еді?
- Сұлтан сияқты балалар өмірде жиі кездесе ме?
- Олардың ұсынысын қалай қабылдар едіңдер?

Сергіту сәті

«Тамшыдан теңіз » Сөз ұйқастары беріледі, өлең құрастыру керек.

баламыз,

даламыз,

жоямыз,

келеміз,

. . қоямыз,

. . құрамыз,

. . тұрамыз,

. . боламыз!

Осыдан кейін оқушыларға денсаулықтың он құпиясына көңіл аударуылары сұралады:

Денсаулықтың он құпиясы (Адам Дж. Джексон) .