Мағжан Жұмабаев сүйемін өлеңі туралы ақпарат

Н. К. Баубекова
Батыс Қазақстан облысы, Теректі ауданы
Подстепный қазақ жалпы орта білім беретін мектебінің
қазақ тілі мен әдебиеті пәні мұғалімі, .
Сабақтың мақсаты: Мағжан Жұмабаев <<Сүйемін>> өлеңі
Білімділік: Ақын Мағжан Жұмабаевтың өмірі және шығармашылық жолымен танысу, <<Сүйемін>> өлеңінің идеясын ашу.
Дамытушылық: Оқушыларды ізденіске, өлеңнің мазмұнын ұғынуға, көркемдік ерекшелігін тануға баулу.
Тәрбиелік: оқушыларды адалдыққа, ұлтжандылыққа, шынайы сүйіспеншілікке тәрбиелеу.
Сабақтың көрнекілігі: ақынның портреті, кітап көрмесі, кеспе қағаздар, кесте.
Сабақтың әдісі: іздендіру, талдау, кесте толтыру, түсіндіру, мәнерлеп оқу.
Сабақтың түрі: аралас сабақ.
Пәнаралық байланыс: қазақ тілі, тарих.
Сабақтың барысы:
Ұйымдастыру кезеңі:
Оқушылармен амандасу. Түгелдеу. Оқушыларды 3 топқа бөлу.
Үй тапсырмасын тексеру.
А) Ақын Жамбыл Жабаевтың өмірі мен шығармашылығына арналған тірек сызбаны толтыру, <<Атаның әлдиі>> өлеңін жатқа оқу.
Жаңа сабақ.
Мағжан - мәдениеті зор ақын. Сондықтан бүгінгі күннің бар жазушысының ішінен келешекке бой ұрып, артқы күнге анық
қалуға жарайтын сөз - Мағжанның сөзі деп білемін.
М.Әуезов.
1. Мұғалімнің сөзі.
2. Оқулықпен жұмыс. Оқушыларға Мағжанның өмірімен танысуға 3 минут уақыт беріледі.
Тапсырма. 1-топ.Хронологиялық кесте толтыру.
Жылдар
Оқиғалар
1893-1938 ж.ж.
Өмір сүрген жылдары
1912 жылы
<<Шолпан>> атты тұңғыш өлеңдер жинағы жарық көрді
1905 жылы
Қызылжар қаласындағы Шалақазақ медресесінде оқуға түседі.
1910 жылы
Шалақазақ медресесін жақсы үлгеріммен бітіреді.
1929 жылы
<< Халық жауы>> деген жалған айыппен сотталды

2-топ.
<<Сүйемін>> өлеңін мәнерлеп оқу, тақырыбы мен идеясын анықтау.
Тақырыбы - туған жерді, ананы , сүйген жарды сүю.
Идеясы - оқырманды ананы қадірлеуге, туған жерді құрметтеуге баулу. Шынайы сүйіспеншілікке, ұлтжандылыққа тәрбиелеу.
3-топ.
<<Сүйемін>> өлеңіндегі троп түрлерін табу.
Эпитет
Күңгірт шаш, сұп-сұр көр, қарт ана, көк нұры, жұмақ жыры, усыз құшақ, ескі заң, ақ кебін, мәңгі өлік сахара
Теңеу
Күлдей, жыландай, құрандай
Антитеза (шендестіру)
Қыс - ақ кебін, жаз - сары

Сабақты бекіту.
1-топ. <<Топтастыру>> стратегиясы. <<Мағжан кім?>>
2-топ. Сәйкестендіру тесті.
Мағжанның әкесінің аты?
Қорқыт
Тұңғыш өлеңдер жинағы?
Ғалия
Поэмасы
В.Я.Брюсов
Мағжанды <<Қазақтың Пушкині>> деп кім атады?
Бекен
Уфадағы қай медреседе оқыды?
Шолпан

3-топ. <<Сүйемін>> өлеңі бойынша кесте толтыру.
Ақын кімді, нені сүйген?
Қандай жолдар арнаған?

Қорытынды:
Не білемін?
Не білдім?
Не білгім келеді?

Үй тапсырмасы:
* М.Жұмабаевтың өмірі және шығармалық жолымен танысу.
* <<Сүйемін>> өлеңін жаттау.
Бағалау. Бағалау парағының қорытындысы бойынша мұғалім оқушыларды бағалайды.
Аты-жөні
Өзін-өзі бағалау
Топтың бағалауы
Мұғалімнің бағалауы
Қорытынды баға