Сабақ жоспары :: Мектеп алды білім беру, бастауыш сыныптар

Сабақтың тақырыбы: бұлбұлдың әні. мәдіхат төрежанов

«А. С. Макаренко атындағы № 6 орта мектеп мектепке дейінгі шағын орталығымен» мемлекеттік мекемесі

Ахметова Толқын Бекетайқызы

Бастауыш сынып мұғалімі

3 сынып

Пән атауы: Әдебиеттік оқыту

Сабақтың тақырыбы: Бұлбұлдың әні. Мәдіхат Төрежанов Сабақтың мақсаты: 1) білімділігі Мәтіннің мазмұнын меңгертіп, бұлбұл құсы туралы түсініктерін тереңдетуі 2) дамытушылығы: тіл байлығын, сөздікқорын, көркем сөйлеу дағдысын дамыту. Көз алдында елестету арқылы еске сақтау, еске түсіру қабілеттерін дамыту. 3) тәрбиелігі:Табиғатты аялауға, құстарды қорғауға, жауапкершілікті сезінуге тәрбиелеу. Сабақтың әдісі: топтастыру, венндиаграммасы. Сұрақ-жауап, әңгімелеу, бес жолды өлең әдісі. Сабақтың көрнекілігі: суреттер, үнтаспа, слайд, интерактивті тақта. Сабақтың типі: Жаңа білімді меңгерту. Сабақтыңтүрі: аралас c Сабақтың барысы:I. Ұйымдастыру кезеңі: Күндей жадырап, Айдай арайлап, Жұлдыздай жарқырап. Судай таза көңілмен, Сәлемдесіп сіздерге Сабағымызды бастаймыз . 1) Қызығушылықтарын ояту. Мұғалімнің түсінік беруімен басталады Сұрақтар: - Қазір қандай мезгіл ? (Қыс, қыстың соқғы айы ақпан) - Енді қай жыл мезгілі келеді? (Көктем) - көктем туралы не білеміз? Көктем - күн ұзарады, қар ериді, құстар келеді, тіршілік басы, ағаштар бүр жарады, гүлдейді, шөптер шығады, бәйшешек гүлдейді. - Көзалдарыңа не елестейді? - Егер көктемді «тіршілік басы» десек, осы тіршілікке, өлкенің, жер әлемнің құлпыруына үлкен әсерететін не? - Жаңбыр. Жақсы балалар. - Онда бұл өлеңді кім жазған? - Б. Майлин кім ? (Үш арыстың бірі, жазушы т. б) - Қандай еңбектерін оқыдыңдар?(Күлпаш, ) - Жаңбыр - тіршілік көзі. II. Үй тапсырмасын тексеру: Топпен жұмыс: І - топ - Жаңбырдың қандай түрлерін білесіңдер? - Нөсер жаңбыр, ақ жаңбыр, өткінші және соқыр жаңбыр. 2- топ - Үйге берілген: Б. Майлиннің «Жаңбыр» өлеңін жатқа айтып, мәнерлеп оқу. - Жаңбырдан бізді не қорғайды, сол заттың суретін салып келдіңдер? (қолшатыр) . Салған суреттерін көру. - Жаңбыр жауып басылған соң нелердің даусын естуге болады, аспанда не пайда болады? -(Құстардың, шегірткенің шырылын, бақаның даусын) (Кемпірқосақ) . III . Жаңа сабаққа әзірлік: - Өте жақсы балалар, көктем сәні жаңбыр мен де кіреді екен, сонымен бірге құстардың әсем дауыстарымен де ерекшеленеді екен. - Қандай құстарды білесіңдер? - Оларды қандай топтарға бөлуге болады? -Құстар: Қыстап қалатын (қарға, суық торғай, кептер, сауысқан т. б), жылы жаққа ұшып кететін (бұлбұл, тырна, қара торғай, шымшық, қарлығаш, т. б) Үй құстары : (тауық, қаз, үйрек, үндік) Дала құстары: (бұлбұл, сауысқан, қарға, торғай, кептер, аққу, тырна т. б) Жыртқыш құстар: (бүркіт, жапалақ, таз қара) - Құстар қалай дыбыстайды? Сәйкестігін тауып, тақтада орындайды. Қаз шырылдайды Бозторғай қаңқылдайды Сауысқан шақырады Әтеш саңқылдайды Қарға тыраулайды Тырна сайрайды Бұлбұл қарқылдайды - Балалар, олай болса бәріміз, үнтаспаны тыңдап көрейікші? - Қандай құстың үні ерекше естіледі? - Бұлбұлдың даусы. Бұлбұл әнші құс екен. Сондықтанда үлкендер бұлбұлдай әнші бол деп бата беріп жатады. Бұлбұл тамыз айында Африкаға ұшып кетеді екен. Оның 2 түрі болады. а) Дала бұлбұлы ә) Тоғай бұлбұлы Суреттерін көрсету арқылы ұқсастықтары мен ерекшелік терін анықтату Әнші құс Дала бұлбұлы Тоғай бұлбұлы IY. Мақсат қою кезеңі: Бүгінгі сабақта Мәдіхат. Төрежановтың „ Бұлбұлдың әні" атты мәтіні мен танысамыз. Автордың өмір баянына тоқталып өту, таныстыру. Төрежанов Мәдіхат Сейітхожаұлы - (1921жылы 30-сәуірде, Ақмола облысы Ақкөл ауданы Еңбек ауылында дүниеге келген) - балалар жазушы, КСРО Жазушылар одағының мүшесі (1986) . Семей мұғалімдер институтын бітірген (1941) . Омбы облысы Шарбақкөл ауданында, Ақмола мектебінде мұғалім (1939 -1941) . Омбы қаласындағы авиациа зауытында жұмыс жасады (1941 -1945) . Ақмола облысы мұғалімдер кәсіподақ ұйымының төрағасы, Қорғалжын мектебінде оқу ісінің меңгерушісі, мұғалімдер білімін жетілдіру институтында кабинет меңгерушісі (1946 - 1981) болды. Мәдіхат Төрежановтың алғашқы өлеңдері 1938 ж. жарық көрді. 1981 жылдан зейнеткерлік демалыста. Орден, медальдармен марапатталған. Оқулықпен жұмыс. Мәтінмен жұмыс: а) Мәтінді мәнерлеп, түсінікті, дауыстап оқып беру. ә) Мәтіндегі негізгі кейіпкерлерді анықтату. - Негізгі кейіпкерлер - Әбдеш пен оның досы. б) Мәтінді оқулықтағы берілген сұрақтар бойынша талдау, мәтіннің негізгі ойын, жасырын ойын анықтау. (бұл жерде сұрақтарды оқушылар өздері бір - біріне қояды) Cергіту сәті: Y. Бекіту кезеңі: в) Мәтінді оқушыларға рольге бөліп оқыту. г) Оқулықтағы тапсырмалармен жұмыс. - Әбдеш қандай бала, мінездеме бер? Шығармашылық жұмыс: Сөзтіркестері беріледі, соларды қатыстыра отырып, шағын мәтін құрастыру (5-7 мин) Арайлап атқан таң, айдынкөл, көркем тоғай, әсем табиғат, гүлдердің хошиісі, самал жел, мөлдір бұлақ, жазық дала, сайраған құстар, киелі топырақ, таза ауа, туған жер. Белгілі бір уақыттан кейін 2 - 3 оқушының әңгімесін тыңдау, талдау, мадақтау, бағалау.