5-сынып қазақ тілі сабағы: Антонимдерді қайталау және жаттығулар

5 - с ы н ы п Қа за қ т і л і Күні

Сабақтың тақырыбы:

Антонимдерді қайталауға арналған жаттығу жұмыстары

Сабақтың мақсаты: білімділік - антонимдерді ойды әсерлі, көркем етіп етіп жеткізудің құралы ретінде пайдалана білуге үйрету;

Тәрбиелік - пайдаланған мәтіндер арқылы оқушылардың бойына адамгершілік асыл қасиеттерді сіңіру;

Дамытушылық - шығармашылықпен жұмыс істей білуге, өз ойларын еркін айтуға жол ашу, пікірін айтуға төселдіру, ойлау қабілеттерін арттыру.

Түрі : аралас сабақ

Әдісі : сұрақ-жауап, тілдік талдау, топтастыру.

Көрнекілігі : кеспе қағаздар, түрлі-түсті суреттер.

Пәнаралық байланыс : әдебиет, бейнелеу.

Сабақтың барысы. Ұйымдастыру кезеңі : а) оқушылардың назарын аудару; ә) сабақтың тақырыбы, оның мақсат-міндеттерімен таныстыру.

Үй тапсырмасын сұрау.

92-жаттығуды тексеріп шығу.

1) Омоним дегеніміз не? Мысал келтір.

2) Көп мағыналы сөз бен омонимнің айырмашылығы.

3) Синоним дегеніміз не? Мысал келтір.

4) Антоним дегеніміз не? Мысалы.

Жаңа сабақ:

Антонимдер - ойды әсерлі, бейнелі түрде жеткізудің ең оңтайлы құралы. Мәселен, ғасырлар бойы атадан балаға мирас болып келе жатқан мақал-мәтелдердің, жұмбақтардың құрамында антонимдер жарыса қолданылады. Тақтамен жұмыс:

Туған жердің күні де ыстық, түні де ыстық.
Жаманға шөп батады,

Жақсыға сөз батады.

Көз қорқақ, қол батыр.
Істеу қиын, сынау оңай.
Баланың ұяты - әкеге,

Қыздың ұяты - шешеге.

Ақ тай ақ па?

Қара тай ақ па?

Аттан биік, қойдан аласа.
Іші жұмсақ, сырты қатты,

Еті қызыл, сүті тәтті.

Соғым үшін сайлап қойдым,

Бордақылап байлап қойдым

Кітаппен жұмыс : 93, 94-жаттығулар. Шарты бойынша орындау.

Тапсырма: Көп нүктенің орнына қажетті сөзді қой

Арқанның ұзыны жақсы,

Әңгіменің . . . жақсы.

Дұшпанға тастай қатты бол,

. . . балдай тәтті бол.

Жолдасы жақсы жолды болар,

Жолдасы . . . қолды болар.

Ақыл - дос, ашу - . . .

Көп сөз - күміс,

. . . сөз - алтын.

Қыс арбаңды сайла,

. . . шанаңды сайла.

Білімді пысықтау: Венн диаграммасы

Омонимдер

Синионимдер Антонимдер

Шығармашылық жұмыс: 99- жаттығу бойынша:

І қатар - «Туған күн»

ІІ қатар - «Дос қылығы»

ІІІ қатар - «Сиқырлы таяқ» (Егер сенің қолыңа ғажайып сиқырлы таяқ түссе, қайтер едің? - осы сұраққа жауап болатындай мәтін жазыңдар, онда міндетті түрде антоним сөздер болсын)

Білімді бекіту: Оқушылардың түсінбеген сұрақтарына жауап беремін. Оқушыларға бірнеше сұрақтар қоямын.

Үйге тапсырма: ережелерді қайталау, 96-жаттығу шарты бойынша

Білімді бағалау : Оқушылардың берген жауаптарына қарай білімдері бағаланады.

Ұқсас жұмыстар

5-сыныпқа арналған қазақ тілі сабағы: Антонимдерді түсіндіру және сөйлемде қолдану

5-сынып қазақ тілі сабағы: Тарихи сөздер - анықтамасы, түрлері және жаттығулар

5-сынып қазақ тілі сабағы: Қайталау - көптік, тәуелдік және жіктік жалғауларын бекіту

1-сынып қазақ тілі сабақ жоспары: Сурет саламын - қайталау және фонетикалық жаттығулар

2-сынып қазақ тілі сабағы: Етістік тақырыбы бойынша жыл бойы өткенді қайталау (465-470 жаттығулар)

5-сынып қазақ тілі: дауысты дыбыстарды қайталау және бекіту

5-сынып қазақ тілі: лексика мен фонетикадан қайталау - саяхат-сайыс сабағы

7-сынып қазақ тілі сабағы: есімше категориясын қайталау