Ыбырай алтынсарин "таза бұлақ". 8 сынып

8 сынып 04.02.2015 ж
Сабақтың тақырыбы: Ыбырай Алтынсарин.Таза бұлақ
Сабақтың мақсаты: <<Таза бұлақ>> мәтінін түсініп оқу.Әңгіменің мазмұнын жан-жақты ашу;
Міндеттері:
1.Мәтінді оқу,талдау.Мәтін бойынша сұрақтарға жауап беру.
2.Оқушылардың өз ойларын айта білуге,сөз мағынасын түсінуге дағдыландыру,ойлау,есте сақтау қабілеттерін дамыту,сөздік қорын молайту;
3.Оқушыларды рухани тазалыққа,адамгершілік қасиеттерге тәрбиелеу,бұлақтай таза болуға,жақсыдан үйренуге баулу.
Сабақтың түрі: аралас;
Сабақтың әдіс-тәсілдері: түсіндіру,сұрақ-жауап, ой қозғау,проблемалық ізденіс,әңгімелеу.
Жұмыс түрі: топтық жұмыс
Сабақтың көрнекілігі: Ы.Алтынсарин суреті,табиғат,бұлақ,жолаушының суреттері.қима қағаздар,кесте,слайд;
Пәнаралық байланыс: әдебиет
Сабақтың барысы: І. Ұйымдастыру кезеңі
Сәлемдесу
Кезекші мәліметі
Оқушылардың сабаққа дайындығын тексеру;
ІІ.Үй тапсырмасын тексеру
Ы.Алтынсариннің өмірі,шығармашылығы туралы оқу,
<<Кел,балалар оқылық!>>өлеңін жаттау,жалқы,жалпы есімдерге
мысалдар жазу.
ІІІ.Жаңа сабақ
Өткен тақырыпты пысықтау
1.Ыбырай Алтынсарин кім?
2.Оның қандай шығармаларын білесіңдер?
Оқушылар Ы. Алтынсариннің балаларға арналған шығармалары туралы айтады.
Олай болса, біз бүгін Ы.Алтынсариннің <<Таза бұлақ>> әңгімесін оқып,танысатын боламыз.
-Тақтада 3 сөз жазылып тұр.Олар:
<<Табиғат>>
<<Бұлақ>>
<<Жолаушы>>
-Осы сөздердің мағынасын түсіндіріңдерші.
Оқушылар жауабы тыңдалады
Табиғат-тіршілік нәрі.Қоршаған орта.Туған елім мен жерім.
Бұлақ-ағып жатқан таза,мөлдір су.
Жолаушы-белгілі бір мақсатпен жол жүруші, сапар шегуші адам.

Топқа бөлу.Оқушыларды 3 топқа бөліп отырғызу.
Ал,олай болса енді біз тақтада жасырылған суреттерді табу арқылы өз тобымыздың атын анықтайтын боламыз.Оқушылар тақтадағы жасырылған суреттерді табады.
1 топ- <<Табиғат>>
2 топ- <<Бұлақ>>
3 топ-<<Жолаушы>>
Мәтінмен жұмыс.
Оқулықтан мәтінді үш топ бөлімдерге бөліп оқып, аударады.
Сөздікпен жұмыс
жолаушы-путник
қанған соң-напившись
саудагер - купец
ақыл-назидание
бара - бара-постепенно
кеңейіп-расширяется
тынбай қызмет қыл-трудись,неустанно
Кім жылдам?ойыны.Мұнда 3 топ әр жолаушының пікіріндегі нақыл сөздерді тауып, дәптерлеріне жазады.Қай топ тез тауып,тез орындап болса, 1 ұпай қосылады.
Зат есімге байланысты тапсырмалар орындау.
Әр топ мәтіннің ішінен зат есімдерді теріп жазады.Қай топ көп зат есім тауып жазса сол топқа 1 ұпай қосылады.
Балалар,сендер білесіңдер, зат есім көптеледі,тәуелденеді, жіктеледі,септеледі.Олай болса әр топ өздеріне тиісті тапсырманы орындайды.
1-Табиғат тобы - Табиғат сөзін септейді
А.с Табиғат
І.с Табиғаттың
Б.с Табиғатқа
Т.с Табиғатты
Ж.с Табиғатта
Ш.с Табиғаттан
К.с Табиғатпен
2- Бұлақ тобы -Бұлақ сөзін 3 жақта тәуелдейді
І Жақ Менің бұлағым
ІІ жақ Сенің бұлағың
ІІ жақ.Сіздің бұлағыңыз
ІІІ жақ Оның бұлағы
3-жолаушы тобы - Жолаушы сөзін 3 жақта жіктейді
І. Мен жолаушымын І.Біз жолаушымыз
ІІ. Сен жолаушысың ІІ.Сендер жолаушысыңдар
ІІ.Сіз жолаушысыз ІІ.Сіздер жолаушысыздар
ІІІ. Ол жолаушы ІІІ.Олар жолаушылар

Сабақты қорытындылау
Мәтін бойынша сұрақтарға жауап беру
1.Үш жолаушы қандай бұлаққа кез болды?
-Суы мұздай,шыныдай мөлдір,өте таза бұлаққа кез болды.

2.Олар нені көрді?
-Олар тастағы жазуды көрді.

3.Үш жолаушы бұлақ басындағы тастан қандай жазуды оқыды?
<<Ей, жолаушы,болсаң, осы бұлақтай бол!>> деген жазуды оқыды.

4.Табиғатты қорғау үшін не істер едіңдер?
-Табиғатсыз өмір жоқ,табиғатты қорғау ,суды ластамай,таза ұстау керек т.б.

Оқушыларды бағалау
Топты және сабаққа белсене қатысқан оқушыларды бағалау.

Үйге тапсырма:
Мәтінді оқу, әңгімелеу.Бұлақ,су ,табиғат туралы мақал-мәтелдер тауып жазу.