Білімді сынып

12763577470
Қызылорда облысы
Байқоңыр қаласы
Қ.Қ. Тоқмұхамедов атындағы №14 орта мектептің
математика пәнінің мұғалімі Сарсенбаева Ляззат

Сыныптан тыс жұмыстың тақырыбы: Білімді сынып
Сыныптан тыс жұмыстың мақсаты:
а) білімділік: оқушылардың математикадан білімдерін тереңдету, ой-өрісін кеңейту, шығармашылық және өз бетімен жұмыс істеу қабілеттерін арттыру
ә)дамытушылық: оқушылардың пәнге деген қызығушылығын және білім сапасын арттыра отырып, есте сақтау қабілетін дамыту арқылы өз ойын жеткізе білу дағдысын қалыптастыру
б) тәрбиелік: оқушыларды алғырлыққа,тапқырлыққа,шапшаңдыққа, ізденімпаздыққа, ұйымшылдыққатәрбиелеу
Түрі: топтық сайыс
Көрнекілігі:қабырға газеттері, эмблемалар,геометриялық фигуралар,
математикаға байланысты нақыл сөздер.
Техникалық құрал-жабдық: интербелсенді тақта
Барысы : І. Кіріспе.
Мұғалімнің сыныптан тыс жұмыстың мақсатымен және шартымен таныстыруы.
1 - жүргізуші:
Математика ғылымдар патшасы деп,
Мойындаған бар ғылым жер шарында.
Сол қағида тағы да дәлелденбек,
Бүгінгі сайысымыз барысында.
2 - жүргізуші:
Математика, математика қандай қиын,
Оқымасаң шешілмейтін ешбір түйін.
Амалдардың тек қана көмегімен,
Орындалар сансыз көп байлам түйін.
1 - жүргізуші:
Шеберлікті, білімді,Сараптап сіздер көріңіздер.Әділқазы алқасыӘділ баға беріңіздер! - дей отырып сайысымыздың алдында сайыскерлеріміздің біліміне баға беретін әділқазылар алқасымен таныстырып өтейік.
2 - жүргізуші:
Сіздер бұл әлемнің қаншалықты қызықты, әрі сан түрлі екендігіне көз жеткізесіздер. Сайыста сіздерге әр түрлі сұрақтар мен тапсырмалар ұсынылады. Сайыста жеңу үшін сіздер белсенділік танытып, берілген сұрақтарға өзгелерден тезірек ойланып, жауап берулеріңіз керек және тапсырмаларды дұрыс орындауларыңыз қажет.Бақ пен бап сыналар бұл жарысқа қатысып отырған оқушыларға сәттілік тілейміз.
ІІ. Негізгі бөлім.
1 - жүргізуші:
Өз білімімен, ақыл-ойымен ерекшеленген әр сыныптың білімді оқушылары
алдарыңызда тұр.
Таныстырып топтарын, ұрандарын айтады.
Көрерменге білдіріп,әділ баға алады,-деп сайысымызды топтардың өздерін таныстыруынан бастаймыз.
Топтардың өздерін таныстыруы
1 топ - <<Тапқырлар>>Ұраны: <<Қандай сынақ болса дағы беріспе, Әрқашанда үміткерміз жеңіске>>2 топ - <<Алғырлар>>Ұраны: <<Жарыс десе жанамыз, Бүгінгі күн жарыста алғырлықпен аламыз>>3 топ - <<Ойшылдар>>
Ұраны: <<Білекті мыңды жығады,
Білімді мыңды жығады>>
4 топ - <<Дарындылар>>
Ұраны:<<Шаршы алаңда мүдірме
Көп ойланып, кідірме>>
2 - жүргізуші:
Бұл бәйге - ойдың бәйгесі
Кім жүйрік ойға, сол алда! - деп<<Жауабың әзір ме?>>бөлімініңлогикалық сұрақтарына кезек береміз.(интербелсенді тақтадан көрстіледі)
<<Жауабың әзір ме?>> бөлімінің логикалық сұрақтары
* Үш алманы екі әкесі мен екі баласы қалай бөліп алады? ( ата, әке, бала болса)
* 25 қаз ұшып бара жатты. Бір қазды атып тастады, қанша қаз қалды? (1)
* Қай уақытта екі санның қосындысы бірінші қосылғышқа тең болады? (екінші қосылғыш 0 болса)
* Қайсысы үлкен 2 м ме, әлде 198 см ме? (2 м)

1 - топқасұрақтарды ҚРұлттықтестілеу орталығына қарасты№ 857 пунктінің инженері Р.Дюсембаева қояды.

* Қолымызда 10 саусақболса,он қолданеше саусақ бар? (50)
* Үстелде үш стақан сүт бар. Алмас 1 стақан сүтті ішіп қойды. Үстелде неше стақан бар? ( 3)
* Үстелдің төрт бұрышы бар. Егер бір бұрышын кесіп тастаса, неше бұрыш қалады? (5)
* Бір жанұядағы 5 ұлдың бір-бірден қарындасы бар. Жанұяда барлығы қанша бала бар? (6 бала)
2 - топқа сұрақтарды дайындаған Қызылорда қаласы №233 орта мектебінің қазақ тілі мен әдебиеті пәндерінің мұғалімі Ә.Қалмаханова.



1. Екі адам 4 сағат шахмат ойнады. Олардың әрқайсысы неше сағат ойнады? (4 )
2. 9 литр және 5 литрлік ыдыспен 3 литр сүтті қалай бөліп алуға болады?
3. Қатар тұрған үш санның қосындысы да, көбейтіндісі де 6-ға тең . Ол қандай сандар? (1,2,3)
4. Түнгі сағат 11-де жаңбыр жауса, 48 сағаттан соң күн шығады деуге бола ма? (Жоқ, себебі 48 сағаттан соң қайтадан түн болады)
3-топқасұрақтарды дайындаған Қызылорда облысы Қармақшы ауданына қарасты №99 орта мектебінің математика пәнінің мұғалімі Н.Таңжарық.

* Жараста 7 таяқша бар еді. Ол біреуін екіге бөліп алды. Жараста неше таяқша қалды? (8)
* Жұмыртқаны қайнатуға 3 минут кетсе, 5 жұмыртқаны қайнатуға неше минут керек? (3мин)
* Бөлмеде 4 мысық отыр. Әр мысықтың алдында 3 мысық отыр.Бөлмеде барлығы неше мысық отыр? (4)
* Екі аяғымен түрегеп тұрған адамның салмағы 50кг, бір аяғымен тұрған адамның салмағы неше кг? (50 кг)

4-топқа сұрақтарды дайындаған Байқоңыр қаласы Қ.Қ.Тоқмұхамедов атындағы жалпы білім беретін №14орта мектебінің 11 - сынып оқушысы Н.Игенбаев.

1 - жүргізуші:

Математика - бұралансыз, нақты ілім,
Үйрететін бақыт тілін, бақ тілін.
Айдынында сүңгіп, сүңгіп жүзсең бір,
Тарқалмайды қуаныш пен шаттығын, - деп
<<Тез ойланып, шешуін тап>>бөлімінің тапсырмаларына кезек береміз.

<<Тез ойланып, шешуін тап>> бөлімінің тапсырмалары
а) Бөліктерден геометриялық фигураларды құрастыру
1-топ 2-топ 3-топ 4-топ

ә) Суреттерде барлығы неше үшбұрыш, неше төртбұрыш бар?

2 - жүргізуші:
Сансыз есеп болмайды,
Есепсіз дана болмайды.
Қызық есеп айтайын,
Сынап сені байқайын.
Жауап берші бөгелмей
Шешуін кім тез табады? -деп<<Кім жылдам?>> бөлімінің тапсырмаларына кезек береміз.
<<Кім жылдам?>>бөлімінің тапсырмалары
а) 2-ні 5 рет пайдаланып 3 санына теңестір 22 22 2 = 3
ә) 2-ні 5 рет пайдаланып 5 санына теңестір 2 22 2 2 = 5
б) 3 - ті 5 ретпайдаланып 3 санына теңестір3 3 3 3 3 = 3
в) 3 - ті 5 ретпайдаланып 1 санына теңестір 3 3 3 3 3 = 1
1 - жүргізуші:
Бүгінгі сайыс - қызықты сайыс
Көрермендер, халайық!
Ой - түйсікті қозғап небір
Көрініске назар салайық -дей отырып,<<Математика өмірде>> бөлімінде әр топ математикаға байланысты дайындаған өз көріністерін көрсетеді.
<<Математика өмірде>> бөліміндегі көріністердің тақырыптары
* <<3 литрлік және 2 литрлік ыдыстармен 1 литр сүт құйып алу>>
* <<Туған күнді анықтау>>
* <<Кім ұтты, кім ұтылды?>>
* <<Базардағы сауда>>
2 - жүргізуші:
Мақал-мәтел қазағымның мұрасы,
Мақал білген қазағымның баласы.
Мақал айтқан жарыста,
Қай топ мақал-мәтелді
Біледі екен өте көп, - дей отырып,<<1001 мақал>> бөлімін бастаймыз.
<<1001 мақал>>бөлімінің шарты
Сан есімі бар математикалық мақал-мәтелдерді кезекпен топтар қайталамай, тоқтап қалмай айту.
1 - жүргізуші:
Мәңгі бақи есте қалар,Ғажайып бір ойын болсын.Білімдірек шәкірт озар,Қиынырақ сұрақ болсын. - деп келесі "Дарынды басшы" бөліміне кезек береміз. Топ басшыларын ортаға шақырамыз.
"Дарынды басшы" бөлімінің тапсырмалары
Бұл бөлімде сіздерге бірнеше ұяшықта әртүрлі бағытта есептер мен сұрақтар берілген. Әрбір ұяшықтағы сұрақтардың күрделілігіне қарай ол ұяшықтарда берілетін ұпайлардыңсаныкөрсетілген. Кезекпен топтарға ұяшықты таңда -тамыз да, сол ұяшықтың сұрағына жауап берсе, көрсетілген ұпайды алады. Егер сұраққа жауап бермесе ,сұрақ келесі топқа көшеді.
Қазақтың байырғы есептері
10
20
30
"Ақбота" есептері
10
20
30
"Кенгуру" есептері
10
20
30

Қазақтың байырғы есептері:
10 - Түйеқұс екі аяғымен тұрғанда 7 кг тартса, біраяғымен тұрғанда қанша
тартады. (7 кг)20 - Сықырлаған арба үстінде келе жатқан екі жолаушының біреуіжолдың
жартысын өткенде жолдың жартысықалғанша ұйықтады. Жолаушы
жолдың қанша бөлігін ұйықтады. (төрттен бірін)30 - Екі қыстақтың арасы 10 шақырым. Қырсық жолаушы күніне екі шақырым
алға жүріп, кешке бір шақырым кейін қайтады. Қырсық жолаушы екінші
қыстаққа неше күнде жетеді? (9 күнде)<<Ақбота>> есептері:10 - Арман,Аян, Абзал ағайынды үшеуі әр түрлі сыныпта оқиды. Абзал
Арманнан, ал Аян Абзалдан кіші емес. Бұл үйдің үлкені, ортаншысы, кішісі
кім? (Аян, Абзал, Арман)20 - Үш бала 17 бауырсақ жеді. Ең көп жегені Тимур. Аз дегенде Тимур
неше бауырсақ жеді? (7)30 - Шаршының сол жағында үшбұрыш, оң жағында дөңгелек орналасқан.
Шаршы қай жағына салынған? (ортасына)
<<Кенгуру>> есептері:10 - <<Кенгуру>> байқауы 1991 жылдан бастап Европада жыл сайын өткізіліп
тұрады. Байқау 2009 жылы нешінші рет өтті? (19)20 - Келесі санда тап. 4; 9; 16; 25; ... (36)
30 - Арман БАЙҚОҢЫР сөзінің суретін салмақшы. Ол сәрсенбіден бастап,
әр күні бір әріптің суретін сала бастады. Аптаның қай күнінде Арман
соңғы әріпті салып бітіреді? (сәрсенбіде)
2 - жүргізуші:
Әділқазылар алқасы әділ бағаларын санағанша, көрермендерімізбен қызықты үзіліс өткізейік.
<<Қызықты үзіліс>> бөліміШарты: жасырылған ұғымды немесе іс-әрекетті оқушылар ешбір дыбыс шығармай тек іс-қимылмен бейнелеулеріңіз қажет.
* Боран
* Жады
ІІІ. Қорытынды.
1 - жүргізуші:
Жарыстың соңғы сәті таяп қалды
Демеңіздер біз өнерді аяп қалды.
Әділқазы сіздерге сөз береміз
Жеңімпаздар кім болып сарапталды?
<<Білімді сынып>> сыныптан тыс жұмысында төрелік еткен әділқазылар алқасы сайыстың қорытындысын шығарды.
2 - жүргізуші:
Білім алып, биік шыңға самғаймыз!
Бар білімді болашаққа арнаймыз.
Желбіретіп, татулық пен достықтың
Жеңіс туын әрқашан биік ұстаймыз! - деп сайысымызды аяқтаймыз. Қатысқан барлық оқушыларға алғысымызды білдіреміз.