Жұмбақтар: Оқу-білім және оның құралдары

Бір қойым бар қаны жоқ,
Қанатының жаны жоқ.
Адамменен сөйлесер,
Ақылы бар, жаны жоқ.
Bake Toti Mika Sake

Өзі саңырау,
һәм айтады,
һәм үйретеді.
Bake Toti Mika Sake

Адамсыз кетеді,
Айтса тарих тұрады,
Тағдырда жазған.
Bake Toti Mika Sake

Бір қобди дүние жүзін бағалаған,
Әсемдеп, талай адам қамалаған.
Қобдидың ашылмайтын кілті өзінде,
Ашылса табылар еді не қалаған.
Bake Toti Mika Sake

Жапанда бір нәрсе бар аузы жабық,
Ашылар мезгілінде баурын жазып.
Ішінде толып жатқан қазынасы бар,
Қорек қып пайданалар тамам халық.
Bake Toti Mika Sake

Ұзын-ұзын,ұзын жол,
Ұшына жеткен бар ма екен?
Түбі терең қара су,
Түбіне жеткен бар ма екен?
Түбіне жетіп бұл судың
Қанып ішкен бар ма екен?
Bake Toti Mika Sake

Дүниеде бір дария беті қайтқан,
Бетінде бетегесі шығып жатқан.
Қараса сол құдыққа көз жетпейді,
Құр қалмас сол құдықтың дәмін татқан.
Bake Toti Mika Sake

Сай бойында сары алтын.
Bake Toti Mika Sake

Ауыр-ақ,бірақ түсер салмағы жоқ,
Артқанның арып кейін қалғаны жоқ.
Арқалап бірін қоймай көтергеннің
Аяғы ешуақытта талғаны жоқ.
Bake Toti Mika Sake

Теңіздей түбі терең ,
Сүңгіген жетер әрең.
Bake Toti Mika Sake