Жұмбақтар: Техника мен шеберхана құралдары

Аяғы үшкiр,
Басы доғал.
Ұрсаң шөгедi,
Ұрмасаң обал.

Үшкiр қазық,
Дөңгелек қалпақты,
Бiрiктiрер бөлектi.

Басы – құрыш,
Сабы – шырыш.

Қалпақты шымырды,
Төбесiнен ұрады.
Түзетуге қыңырды,
Дәйiм дайын тұрады.

Алақандай жоным бар,
Үстiне сап соғыңдар,
Жалыннан ап шалқыған,
Сом темiрдi балқыған.

Айға ұқсас түрi бар,
Қатар өскен бiрi бар.

Көп-ақ тiсi,
Күнi бойы шөп жесе де
Шықпайды iшi.

Қылышты өткiр шайқадым,
Қырдың шашын жайпадым.

Басы – қылыш нұсқасы,
Сабында бар тұтқасы.

Сояудай әр тырнағы,
Шөптi жияр қырдағы.

Пәндер

Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.

Ақпарат

Қосымша

Email: info@stud.kz