Жұмбақтар: Техника мен шеберхана құралдары

Бір қалта бар қабат-қабат, Айналасына жұрт таң қалад. Көктен жерге лақтырсаң да, Алып түсер сау-саламат.
Bake Toti Mika Sake

Жоқ оның моторыда, қанаты да, Сонда да ұшқыштардың санатында.
Bake Toti Mika Sake

Топтанып келе жатыр қара қабан, Ойлаған жерлеріне тынбай барған. Аузынан қара көбік бұрқ-бұрқ шығып, Болдырып шаршамайтын сондай айуан.
Bake Toti Mika Sake

Бар екен бір нақты зат түсі қара, Сүйрейді неше мың пұт іліп ала. Болғанмен жүгі ауыр, жүрісі тың, Таңданады көрген жандар тамашаға.
Bake Toti Mika Sake

Бір керуен қатарында өңшең түйе, Аузынан жалын шығар қара күйе, Жүрмейді ұрса-дағы басқалары, Бәріне жалғыз бура болған ие.
Bake Toti Mika Sake

Қара нар қатарынан бір озбаған, Боз інген ботасы жоқ құр боздаған. Қызыл ат желмей, жортпай алысқа ұзап, Аяғын анда-санда бір қозғаған.
Bake Toti Mika Sake

Болғанда екі қанат, отыз қолы, Қалады тап-тақыр боп жүрген жолы, Бар екен алақандай аралшығы, Адамзат пайдаланып жүр ғой оны.
Bake Toti Mika Sake

Бір нәрсе келе жатыр сондай епті, Сайраған сақылдаған тісі көпті, Жұтпайды, тістегенмен қайта құсар, Мал, мақұлық сол құсықтан қорек етті.
Bake Toti Mika Sake

Бір нәрсе қозғалады желіп, жортып, Көзіне көрінгенді жейді жұтып, Жұтқанын бір ұртынан түсіреді, Адамзат пайдаланар керек етіп.
Bake Toti Mika Sake

Өздігінен жүрмейді, жарыспайды, Кісі мінсе жарыстан қалыспайды. Аяғы екеу болғанмен ізі жалғыз, Сағатта талай жерді қарыштайды.
Bake Toti Mika Sake