Жұмбақтар: Қару-жарақ, аңшы және аңшы құралдары

Бір құс бар сондай ұшқыр, ұшар жерден,
Жалпылдап жанған оты қолын сермер,
Шыңыраудан мойны ұзын шығады екен,
Шошынар жанды мақұлық оны көрген.
Bake Toti Mika Sake

Судыр-судыр жүгенім,
Судыр қара дөненім,
Желіп кетсе жеткізбес,
Түсіп кетсе таптырмас.
Bake Toti Mika Sake

Аузы жоқ, қолы жоқ,
Ұшқан құстан озады.
Bake Toti Mika Sake

Тиіп кетсе, тырс етіп қақ жарылған,
Бар тетігі адамзатқа бағынған.
Мерт қылады жақын келген нәрсені,
Қастық қылса жаудың жайы табылмаған.
Bake Toti Mika Sake

Ашуына басқанда,
Шаң көтерген аспанға.
Bake Toti Mika Sake

Құстай ұшып зыр қаққан,
Түскен жерін қиратқан.
Bake Toti Mika Sake

Тау астынан күрсілдеп,
Жөтеледі,құсады,
Құсығы жоқ жалынды,
Түскен жерін өрт құшады.
Bake Toti Mika Sake

Адамның ең қымбатты,
Тастамайтын құралы,
Кішкене ғана қозғалса,
Жапыра жауды қырады.
Bake Toti Mika Sake

Екі аяқты кеулейді басын созған,
Мойнында жалын қамыт ноқталанған.
Ұзын тұмсық құйрығы келте келген,
Тиіп кетсең бұрқылдап сыртылдаған.
Bake Toti Mika Sake

Жорғалаған тасбақа,
Болаттан киген көйлегі.
Жапырып жауды үстінен
Баса-көктеп өтеді.
Bake Toti Mika Sake